उदयमान बहुउद्धेश्यीय सहकारी लिमिटेड(हाम्रो सहकारी )

उदयमान बहुउद्देश्यीय सहकारी संस्था लिमिटेडको स्थापना २०७७ साल कार्तिक २७ गते (२०२० नोभेम्बर १४) मा वैदेशिक रोजगारीको लागि विभिन्न देशमा कार्यरत साथीहरुको पहलमा भएको हो । संस्थाको मुख्य उद्देश्य विभिन्न देशमा रोजगारीको लागि छरिएर रहेका साथीहरुको स-साना बचतलाई सङ्कलन गरी सुरक्षित लगानी गर्ने, उहाँहरू नेपाल फर्किएपछि तथा नेपालमा रहेर हामीसँग जोडिनुभएका साथीहरुलाइ स्वरोजगार बन्न प्रेरित गर्दै आर्थिक, रणनैतिक, प्रविधि तथा बजारको सहजताको लागि सहयोग गर्ने र उक्त आर्जन मार्फत आर्थिक परनिर्भरताबाट मुक्त भई स्वाबलम्बी नागरिक र उद्धमशील समाज निर्माणमा योगदान गर्ने रहेको छ ।  

संयुक्त रुपमा व्यवसाय गर्ने उद्देश्यका साथ जम्मा भएका साथीहरुको छलफल हुँदा हामीले सहकारी मोडेलमा हाम्रा पाइला अगाडि सार्ने निर्णय गर्‍यौँ । सहकारीका मूल्य, मान्यता, सिद्धान्त र मर्मलाई व्यवहारमा प्रयोग गर्दै ललितपुर जिल्लाको महालक्ष्मी नगरपालिकामा प्रधान कार्यालय स्थापना गरेर सेवा दिन पाउँदा गौरवान्वित छौँ । आज उदयमान  कति सबल र सक्षम छ भन्दा पनि यसले समाजमा कस्तो प्रभाव पारिरहेको छ भन्ने कुराले महत्त्व राख्छ । महालक्ष्मी नगरपालिका निवासी जनताहरू र विभिन्न १३ भन्दा बढी देशहरुमा कार्यरत साथीहरुको न्यानो माया, सहयोग र भरोसा सहितको साथ पाउँदा हामीलाई अगाडि बढ्न निकै हौसला मिलेको छ l 

आगामी दिनमा संस्थाले सदस्य र समुदायको विकास एवम् जीवनस्तरमा उल्लेख्य सुधार ल्याउने कार्यक्रम ल्याउनु पर्छ र त्यस सम्बन्धमा केही खाकाहरु तयार भइसकेका छन् । मलाई विश्वास छ उदयमानको अनुभवी र समर्पित टिमले संस्थाले अगाडि ल्याएका सबै योजनालाई सफल बनाउँदै लैजानेछ । हाम्रा लगानी  योजनाहरु बहुआयामिक, क्षेत्रगत विविधता तथा जोखिम न्यूनीकरणलाई ध्यान दिएर गरिने छन् l  हामीलाई माया र सहयोग गर्ने सबैलाई हार्दिक आभारसहित धन्यवाद दिन्छु ।

धन्यवाद ।

​

कार्यकारी निर्देशक